पाचोऱ्यात हातभट्टी दारू मिळण्याचे विश्वासनिय ठिकाण म्हणजे शाळा व मंदिरांच्या मागे मिळेल, महेश पाटील यांची अनोखी शक्कल
पाचोरा शहरातील त्रंबक नगर भागातील गावठी व हात भट्टी दारू मिळण्याचे विश्वासनिय ठिकाण म्हणजे शाळा व मंदिरांच्या मागे मिळेल,महेश पाटील यांची अनोखी शक्कल!
पाचोरा शहरातील त्रंबक नगर भागातील रहिवासी असलेले महेश पाटील या तरुण युवकाने गावठी विषारी दारू मंदिर व शाळेच्या मागे विक्री होते याबाबत वारंवार उत्पादन शुल्क विभाग, महाराष्ट्र पोलीस विभाग, जिल्हाधिकारी कार्यालय या ठिकाणी वेळोवेळी निवेदन देऊन पाठपुरावा केला होता, परंतु कुठेही उत्तर मिळाले नाही शेवटी या युवकाने अनोखी शक्कल लढवली असून थेट गावठी दारू व हात भट्टी दारू मिळण्याचे विश्वसनीय ठिकाण म्हणजे रेणुका माता मंदिर व शाळेच्या मागे मिळेल असे बॅनर लावून मार्केटिंग करायला सुरुवात केली आहे, या बॅनर मुळे एकच परिसरात चर्चेचा विषय बनला आहे. याठिकाणी पाचोरा येथील उत्पादन शुल्क विभाग अथवा पोलिस विभाग कारवाई करणार का याकडे सर्वांचे लक्ष लागले आहे, या गावठी दारू विक्री करणाऱ्या इसमावर कारवाई झाली नाही तर याबाबत ते आंदोलन करणार असल्याची खात्रीपूर्वक माहिती मिळाली आहे.
