नांदगाव तालुक्यातील न्यायडोंगरीच्या अँड तेजस्विनी बोऱ्हाळे यांची दिवानी न्यायाधीश पदावर निवड

नांदगाव (मुक्ताराम बागुल ) तालुक्यातील न्यायडोंगरी येथील एडवोकेट तेजस्विनी सयाजीराव बोऱ्हाळे यांची दिवाणी न्यायाधीश कनिष्ठ स्तर तथा न्याय डोंगरी प्रथम वर्ग पदासाठी निवड झाली आहे. 

  राज्य लोकसेवा आयोग व उच्च न्यायालय मुंबई यांनी घेतलेल्या सेवा परीक्षेत निकालामध्ये येथील एडवोकेट तेजस्विनी सयाजीराव बोऱ्हाळे यांची दिवाणी न्यायाधीश कनिष्ठ स्तर तथा न्याय दंडाधिकारी प्रथम वर्ग पदासाठी त्यांची निवड झाली आहे.

न्यायडोंगरी येथील भूमिपुत्र व कोपरगाव येथे जिल्हा न्यायाधीश पदावर कार्यरत असलेल्या सयाजीराव बापूराव बोऱ्हाळे (पाटील) न्यायडोंगरी यांची कन्या तेजस्विनी 27 व्या वर्षी झाली.दिवानी न्यायाधीश बनल्याने शिरपेचात मानाचा तुरा रोवला गेला आहे. दिवाणी न्यायाधीश कनिष्ठ स्तर तथा न्याय दंडाधिकारी प्रथम वर्ग पदाचे परीक्षेत एकूण 63 उमेदवारांची निवड यादी महाराष्ट्र लोकसेवा आयोगामार्फत प्रसिद्ध करण्यात आली. त्यात कुमारी तेजस्विनी यांची निवड झाली आहे. तेजस्विनी यांचे प्राथमिक शिक्षण न्यायडोंगरी, श्रीरामपूर, जळगाव येथे तर औरंगाबाद येथील सरस्वती भुवन महाविद्यालयात महाविद्यालयीन शिक्षण झाले. माणिकचंद पहाडे विधी महाविद्यालयात त्यांनी विधीचे शिक्षण पूर्ण करून पुणे येथील सिम्बॉयसिस लॉ. कॉलेजमधून कॉर्पोरेट लॉ. मध्ये पदव्युत्तर (एल एल एम) कायदा पदवी संपादन केली होती. या तेजस्विनी चे सर्वत्र कौतुक केले जात आहे