मंत्री गिरीश महाजन यांच्या ए.आय. बनावट फोटो प्रकरणी भाजप आक्रमक; दोषींवर कठोर कारवाईची मागणी

पाचोरा, दि. २९ जून २०२६ : महाराष्ट्राचे जलसंपदा मंत्री गिरीश महाजन Girish Mahajan यांच्या नावाने कृत्रिम बुद्धिमत्ता (ए.आय.) तंत्रज्ञानाचा वापर करून बनावट फोटो तयार करून ते सोशल मीडियावर प्रसारित केल्याच्या प्रकाराचा भारतीय जनता पक्षाच्या पदाधिकाऱ्यांनी तीव्र निषेध व्यक्त केला आहे. या प्रकरणातील संबंधितांवर तात्काळ गुन्हे दाखल करून कठोर कारवाई करावी, अशी मागणी भाजपच्या वतीने पाचोरा पोलीस स्टेशन येथे निवेदनाद्वारे करण्यात आली.

भाजप पाचोरा-भडगाव विधानसभा प्रमुख अमोल पंडितराव शिंदे, माजी आमदार दिलीप वाघ Dilip Wagh व वैशालीताई सूर्यवंशी यांच्या नेतृत्वाखाली शहर व तालुक्यातील भाजप पदाधिकाऱ्यांनी पोलीस प्रशासनाला निवेदन सादर केले. ए.आय.च्या माध्यमातून तयार करण्यात आलेले बनावट फोटो समाजात संभ्रम निर्माण करण्याबरोबरच संबंधित व्यक्तीची प्रतिमा मलिन करण्याचा प्रयत्न असल्याचे निवेदनात नमूद करण्यात आले आहे.

यावेळी पाचोरा नगरपालिका गटनेते तथा नगरसेवक सूरज वाघ, पाचोरा मंडळ अध्यक्ष दीपक माने, नगरदेवळा मंडळ अध्यक्ष गोविंद शेलार, सरचिटणीस जगदीश पाटील, नगरसेवक राहुल गायकवाड, नगरसेवक गोपाल वासवानी, नगरसेवक अविनाश सुतार, ज्येष्ठ पदाधिकारी अनिल येवले, गणेश झंझाटे, अल्पसंख्याक मोर्चाचे जिल्हा उपाध्यक्ष टिपू देशमुख, भाजयुमो जिल्हा उपाध्यक्ष योगेश ठाकूर, ओबीसी मोर्चाचे जिल्हा उपाध्यक्ष विरेंद्र चौधरी, उमेश हटकर, शहर चिटणीस प्रदीप पाटील, युवा मोर्चा शहराध्यक्ष रोहन मिश्रा, माजी युवा शहराध्यक्ष लकी पाटील, मोसीन पठाण, निलेश कुंभार, आदेश झंझाटे यांच्यासह अनेक पदाधिकारी उपस्थित होते.

बनावट फोटो तयार करून समाजात दिशाभूल व बदनामी करण्याचा प्रयत्न करणाऱ्या समाजकंटकांविरुद्ध आयटी ॲक्ट तसेच सायबर कायद्यांतर्गत तातडीने कठोर कारवाई करण्यात यावी, अशी मागणी भाजप पदाधिकाऱ्यांनी निवेदनाद्वारे केली आहे. या प्रकरणाची सखोल चौकशी करून दोषींवर कायदेशीर कारवाई करण्यात यावी, अशी अपेक्षाही व्यक्त करण्यात आली.

हेडलाईन :
“गिरीशभाऊ महाजन यांच्या ए.आय. बनावट फोटो प्रकरणी भाजप आक्रमक; दोषींवर कठोर कारवाईची मागणी”