जिओलाइफ युथ क्लब या स्वयंसेवी संस्थेच्या वतीने, आदिवासी भागात सॅनिटरी पॅड वितरण मोहीम

जिओलाइफ युथ क्लब या स्वयंसेवी संस्थेच्या वतीने आदिवासी भागात सॅनिटरी पॅड वितरण मोहीम

शरण खन्ना

ठाणे जिल्हा प्रतिनिधी

दि १९ ऑगस्ट :

जिओलाइफ युथ क्लब या स्वयंसेवी संस्थेच्या वतीने `प्रोजेक्ट रेड डॉट’ या उपक्रमांतर्गत ७५ व्या स्वातंत्र्यदिनी वाडा, पालघर मध्ये बायोडिग्रेडेबल सॅनिटरी पॅड वितरण मोहीम केशव सृष्टी ग्राम विकास योजनेच्या संयुक्त विद्यमाने आयोजित केली होती.`पीरियड पॉवरटी’ पासून स्वतंत्रता थीमसह ही मोहीम आयोजित केली गेली. प्रोजेक्ट रेड डॉट अंतर्गत जीवायसीने ७५ आदिवासी मुली आणि महिलांना ३७५० बायोडिग्रेडेबल पॅड दान केले. या महिलांची मोफत आरोग्य तपासणी आणि स्त्रीरोगतज्ज्ञ डॉ. प्रेरणा देसाई यांच्याशी सल्लामसलत देखील देण्यात आली.

जीवायसीच्या संस्थापक आणि संचालिका निधी लाहोटी आणि त्यांच्या टीमसह केशव सृष्टीतील श्री. केढिया आणि डॉ. सुरेश यांनी हा उपक्रम राबविला.मासिक पाळी आणि मासिक स्वच्छता यासारख्या विषयांबाबत जागरूकतेचा खूप अभाव आहे. जिओलाइफ युथ क्लबचा हेतू आहे की, लोकांना मासिक पाळीच्या विषयावर स्वत: ला शिक्षित करण्यासाठी प्रोत्साहित करावे आणि मुलींना सॅनिटरी पॅड वाटून मासिक पाळीच्या आरोग्याच्या बाबतीत अनेक समस्यांचा सामना करणाऱ्या महिलांना मदत करणे.शिवाय, ही गंभीर चिंता दूर करण्यासाठी ते बायोडिग्रेडेबल आणि इको-फ्रेंडली सॅनिटरी पॅड्सच्या वापरास समर्थन देतात. प्रत्येक मुलीचा दृष्टीकोन समजून घेणे आणि एक अधिक व्यापक उपाय तयार करण्यासाठी संघर्ष करणे महत्वाचे आहे ज्यामुळे अनेक स्त्रियांना फायदा होऊ शकतो. १५ ऑगस्ट रोजी, त्यांनी हा छोटासा उत्सव साजरा केला.