अंतीलिया कार बॉम्ब प्रकरण तसंच व्यवसायिक मनसुख हिरेन यांच्या हत्याप्रकरणात इतर आरोपींच्या जबाबातून प्रदीप शर्मा यांचं नाव पुढे आल्याचा दावा NIA ने केला आहे. त्यानंतर आज सकाळपासून NIA ने प्रदीप शर्मांच्या अंधेरी येथील निवासस्थानाची झडती घेतली व त्यानंतर त्यांना अटक केली. प्रदीप शर्मा यांची एन्काऊंटर स्पेशालिस्ट म्हणून पोलिस दलात ख्याती होती. अनेक महत्वाची एन्काऊंटर्स त्यांच्या नावावर आहेत. संबंधित प्रकरणात अटकेत असलेल्या सचिन वाझेंशी प्रदीप शर्मा यांचे घनिष्ठ मैत्रीचे संबंध होते. त्यामुळे NIA या प्रकरणात त्यांच्या सहभागाचा धागा शोधत होती. प्रदीप शर्मा यांनी पोलीस सेवेतून निवृत्ती घेतली होती आणि त्यानंतर त्यांनी शिवसेनेकडून विधानसभेची निवडणूक लढविली होती ; परंतु त्यात ते पराभूत झाले होते. विशेष म्हणजे सचिन वाझे यांनीसुद्धा शिवसेनेत प्रवेश केला होता.
बातमी शेअर करण्यासाठी येथे क्लिक करा
