शिळे अन्न खाताय? तर मग आताच व्हा सावध जाणून घ्या शिळे अन्न खाण्याचे दुष्परिणाम..

निरोगी राहण्यासाठी आरोग्यदायी आणि पौष्टिकतेने युक्त अशा गोष्टी खाणे अत्यंत आवश्यक आहे. विशेषत: घरगुती ताजे अन्न तुम्हाला दीर्घायुष्यासाठी निरोगी ठेवू शकते. बऱ्याच वेळा, आपल्या व्यस्त वेळापत्रकामुळे आपण जास्त अन्न शिजवतो जेणेकरून आपल्याला ते पुन्हा पुन्हा शिजवावे लागू नये, काहीवेळा आपण आवश्यकतेपेक्षा जास्त अन्न ऑर्डर करतो.

अनेक वेळा लोक तीच डाळ, भाजी, भात किंवा बाहेर शिजवलेले अन्न दोन-तीन दिवस गरम करत राहतात. कारण काहीही असो, कोणतेही अन्न उरले की आपण ते फ्रीजमध्ये ठेवतो आणि नंतर ते पुन्हा गरम करून नंतर किंवा दुसऱ्या दिवशी खातो.  पण उरलेले अन्न पुन्हा गरम करून खाणे आपल्या आरोग्यासाठी सुरक्षित असते का? शिळे अन्न खाल्याने आपल्याला कोणकोणत्या दुष्परिणामांना सामोरे जावे लागू शकते हे आज आपण जाणून घेणार आहोत.

उरलेल्या अन्नामध्ये असलेले बॅक्टेरिया जेव्हा आपल्या शरीरात जातात तेव्हा ते पचन प्रक्रियेत अडथळा आणतात आणि अन्नाचे पचन व्यवस्थित होत नाही. अशा स्थितीत अपचन, गॅस, असिडिटी अशा समस्या उद्भवतात. इतकेच नाही तर अनेक वेळा उरलेले अन्न खाल्ल्याने असिडिटीचा त्रास बराच काळ राहतो.

अनेक अभ्यासांमध्ये असे दिसून आले आहे की शिळ्या अन्नामध्ये 40 F ते 140 F दरम्यान बॅक्टेरिया वाढू लागतात. दोन तासांपासून तयार केलेले आणि फ्रीजमध्ये न ठेवलेले अन्न खाल्ल्यास त्यात बॅक्टेरिया होण्याची शक्यता वाढते, ज्यामुळे अन्नातून विषबाधा होऊ शकते. शिळे अन्न कितीही ताजे वाटले तरी त्यात बॅक्टेरिया असतात. जर अन्न एक किंवा दोन दिवस जुने असेल तर तुम्हाला उलट्या होऊ शकतात. हे जीवाणूंनी तयार केलेल्या विष आणि रसायनामुळे होते.

अतिसार म्हणजेच डायरीया देखील होऊ शकतो: फूड पॉयझनिंगचे प्रमाण खूप वाढले तर उलट्यांसह पोटात तीव्र वेदना होतात, त्यामुळे शरीरात डिहायड्रेशनची समस्या सुरू होते आणि जुलाबही होऊ शकतात. त्यामुळे उरलेले पदार्थ खाण्यापूर्वी आरोग्याची काळजी घेणे अत्यंत आवश्यक आहे.

या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.