ठाणे- पालघर प्राथमिक शिक्षक पतपेढीच्या निवडणूकीसाठी मतदान केंद्र वाढविण्याची राहुल परदेशी यांची मागणी

झूम मराठी न्यूज नेटवर्क

ठाणे (झूम मराठी) ठाणे- पालघर प्राथमिक शिक्षक पतपेढी पतपेढी निवडणूकीसाठी मतदान केंद्र वाढविण्याची मागणी भटक्या विमुक्त जाती/ जमाती/ विशेष मागास प्रवर्ग या राखीव गटातून निवडणूक लढविणारे उमेदवार तथा महाराष्ट्र राज्य प्राथमिक शिक्षक महासभेचे जिल्हाध्यक्ष राहुल परदेशी यांनी पतपेढीच्या निवडणूक निर्णय अधिका-यांकडे निवेदन देऊन केली आहे. 

राहुल परदेशी यांनी निवेदन देऊन मागणी केली आहे की, ठाणे- पालघर शिक्षक पतपेढीच्या जेथे शाखा आहेत त्या सर्व‌ ठिकाणी मतदान केंद्र सुरू करण्यात यावीत, सर्व‌ तालुक्याच्या ठिकाणी मतदान केंद्र सुरू करण्यात यावीत तसेच ठाणे व पालघर जिल्ह्यातील आदिवासी दूर्गम भाग लक्षात ठाणे जिल्ह्यातील किन्हवली (शहापूर) व टोकावडे (मुरबाड) तसेच पालघर जिल्ह्यातील कासा (डहाणू) मनोर ( पालघर) या ठिकाणी मतदान केंद्र सुरू करावीत अशी मागणी निवडणूक निर्णय अधिकारी यांचेकडे केली आहे. याचबरोबर जव्हार, मोखाडा व विक्रमगड या तीन तालुक्यांसाठी एकच मतदान केंद्र असून शिक्षक मतदानापासून वंचित राहू नयेत याची नोंद‌ घेऊन आवश्यक ती उपाययोजना करण्यात यावी अशी मागणी निवेदनाद्वारे करण्यात आली आहे.