महाराष्ट्र अनिस ने केला भानामतिचा भांडाफोड, घरावर दगड, गोटें येण्याच्या प्रकाराचा भांडाफोड!
झूम मराठी वृत्तसेवा
महाराष्ट्र अंनिस च्या उत्तर नागपूर शाखेने नागपूर शहरातील बारसे नगर पाचपावली परिसरातील दोन भगिणीं च्या घरावर लगातार तीन दिवसांपासून दगड, गोटें येण्याच्या प्रकाराचा भांडाफोड केला आहे
कोणीतरी अज्ञात व्यक्ती घरावर दगडफेक करित असल्याची तक्रार या भगिनींनी पोलिस स्टेशनमध्ये दाखल केली होती.पोलिसांनी सुद्धा घटनास्थळी जाऊन पाहणी केली, शेजारच्यांना विचारपुस केली पण दगडं धोंडे फेकणाऱ्या चा सुगाव काही केल्या लागत नव्हता. त्यामुळे हा प्रकार भानामती चा असुन कोणीतरी अज्ञात शक्ती किंवा भूतपीशाच्च दगडफेक करीत आहे अशी जोरदार चर्चा परिसरात शुरु झाली व लोक भयभीत झाले . शेवटी पिडीतांनी हतास होऊन महा.अं नि समिती कडे तक्रार केली . महा.अंनिस चे राज्य कार्यकारिणी सदस्य रामभाऊ डोंगरे यांनी त्वरित कार्याध्यक्ष चित्तरंजन चौरे व उत्तर नागपूर शाखा कार्याध्यक्ष देवानंद बडगे यांना सोबत घेऊन घटनास्थळी भेट दिली.ही टिम स्थानिक नागरिकांच्या मदतीने निरिक्षण करित असतांनाच दोन-तीनदां दगडांचा वर्षाव झाला. महा.अनिसच्या टिमने काही महत्त्वाचे टिप्स देऊन परिसरातील युवावर्गाला पाळत ठेवायला सांगितले. सापळ्या प्रमाणे दुसऱ्याच दिवशी सायंकाळी सहा वाजेच्या दरम्यान या युवाटिम ने दगडं फेकणाऱ्या व्यक्तीला रंगे हाथ पकडले व या प्रकरणाचा सौक्षमोक्ष लागला. शक्ती पेक्षा युक्ति कामी आली.या कामी सयाल महाजन, सौनव मासुरकर,श्रेयस वासनिक ,अश्विन बागडे ,उज्वल बागडे, स्वरीत वासनिक यांनी महत्वाची भूमिका पार पाडली.
महा.अनिस च्या कार्यकर्त्यांनी पिडीत परिवाराचे यथोचित समुपदेशन केले व पो.स्टे.पाचपावली येथे पोलिस निरीक्षक यांचेशी चर्चा करुन प्रकरण निकाली काढले.या वेळी महा. अंनिसचे जिल्हाध्यक्ष डाॅ. रमेश जी राठौड, रामभाऊ डोंगरे, चित्तरंजन चौरे, अरुण भगत, वंदना लांजेवार, वसंत गेडामकर ,गौतम मघाडे, व चंदा मोटघरे उपस्थित होते.
