जळगाव जिल्हा परिषदेत बोगस प्रमाणपत्रांचा भांडाफोड फोड, दिव्यांग सवलतींचा गैरवापर आणि कर्मचाऱ्यांचे निलंबन..
जळगाव जिल्हा परिषदेत दिव्यांग प्रमाणपत्रांबाबत सुरू असलेल्या तपासणी मोहिमेमुळे प्रशासनात खळबळ उडाली आहे. राज्याच्या दिव्यांग सक्षमीकरण विभागाच्या आदेशानुसार सुरू असलेल्या तपासणीत गंभीर अनियमितता समोर आली असून, बोगस दिव्यांग प्रमाणपत्रांचा गैरवापर केल्याप्रकरणी आतापर्यंत तब्बल ८ कर्मचाऱ्यांवर निलंबनाची कारवाई करण्यात आली आहे.
जिल्हा परिषदेच्या मुख्य कार्यकारी अधिकारी मीनल करनवाल यांच्या निर्देशानुसार करण्यात आलेल्या तपासणीत दिव्यांगत्वाच्या टक्केवारीत मोठ्या प्रमाणावर तफावत आढळून आली. यामुळे अलीकडेच आणखी चार कर्मचाऱ्यांना निलंबित करण्याचे आदेश देण्यात आले.
निलंबित कर्मचाऱ्यांमध्ये जिल्हा प्रशिक्षण केंद्रातील आरोग्य सहायक भालचंद्र नारायण पवार, वाघोड येथील आरोग्य सहायिका छाया घनश्याम भोळे, तरवाडे प्राथमिक आरोग्य केंद्रातील आरोग्य सहायक संदीप विनायक सोनवणे आणि पिंपरखेड आरोग्य केंद्रातील आरोग्य सहायक गणेश मुरलीधर महाजन यांचा समावेश आहे.
