Bhadgoan | गुढे-वडजी गटात भैय्यासाहेब पाटील यांचीच हवा, त्यांच्या नावाभोवती मोठी चर्चा…
दिलीप जय परदेशी @ झूम न्यूज नेटवर्क
भडगाव (प्रतिनिधी) – भडगाव तालुक्यातील गुढे-वडजी जिल्हा परिषद गटात येत्या निवडणुकीच्या पार्श्वभूमीवर भैय्यासाहेब पुंडलिक पाटील यांच्या नावाची जोरदार चर्चा सुरू झाली असून या निवडणुकीत मोठी चूरस बघायला मिळेल भैय्यासाहेब पाटील यांना शिवसेना पक्ष त्यांना उमेदवारी जाहीर करतील असा विश्वास आहे.
भैय्यासाहेब पाटील हे कै. बापूसाहेब पु. का. पाटील बहुउद्देशीय शिक्षण संस्थेचे अध्यक्ष तसेच भडगाव तालुका शेतकरी संघाचे चेअरमन म्हणून कार्यरत आहेत. शिक्षण, शेती आणि सामाजिक क्षेत्रात त्यांच्या कार्याची मजबूत छाप असून, ग्रामीण भागातील शेतकरी, विद्यार्थी आणि युवकांच्या मनात त्यांनी वेगळी ओळख निर्माण केली आहे.गुढे-वडजी परिसरात त्यांच्या कार्यामुळे निर्माण झालेली सकारात्मक प्रतिमा आणि सातत्याने घेतलेला लोकसंपर्क यामुळे त्यांच्या नावाभोवती मोठी चर्चा रंगू लागली आहे. कार्यकर्त्यांच्या मते, “भैय्यासाहेब फिक्स!” असा नारा गावोगाव दिला जात असून, स्थानिक पातळीवर त्यांचा जनाधार वेगाने वाढत आहे.
भैय्यासाहेब पाटील यांनी गेल्या काही वर्षांत ग्रामीण विकास, शिक्षणाचा प्रसार आणि शेतकऱ्यांच्या प्रश्नांवर सातत्याने आवाज उठवला आहे. त्यांच्या सामाजिक कुटुंबीय परंपरेचा वारसा आणि सार्वजनिक कार्याची नाळ गावोगाव जोडलेली असल्याने कार्यकर्त्यांमध्ये नवचैतन्याचे वातावरण निर्माण झाले आहे.
https://www.instagram.com/reel/DQESOyWD8M0/?igsh=ZnpjNWd2NjVoOG14
पाचोरा भडगावचे स्थानिक आमदार किशोर पाटील यांचे ते निकटवर्तीय समर्थक मानले जातात. त्यामुळे यावेळी गुढे-वडजी गटात आमदारांच्या विश्वासातील व्यक्ती म्हणून भैय्यासाहेब पाटील यांना उमेदवारी मिळण्याची शक्यता अत्यंत मजबूत असल्याचे राजकीय वर्तुळात बोलले जात आहे. राजकीय निरीक्षकांच्या मते, भैय्यासाहेब पाटील यांची उमेदवारी जाहीर झाल्यास गुढे-वडजी गटात निवडणूक अत्यंत चुरशीची होणार असून, स्थानिक राजकारणाला नवी दिशा मिळण्याची शक्यता आहे.
