मुंबई (वार्ताहर):- आंध्रप्रदेश सरकारने कोरोना रुग्णांना शासकीय आणि खाजगी रुग्णालयात मोफत उपचार करण्यासंदर्भात नुकताच ऐतिहासिक निर्णय घेतला आहे त्याच धर्तीवर महाराष्ट्रात सुद्धा कोरोना रुग्णांवर शासकीय तथा खाजगी रुग्णालयात मोफत उपचार करण्यात यावे अशी मागणी महाराष्ट्र राज्य रुग्णसेवक व श्रमिक कामगार संघटनेच्या वतीने राज्याचे मुख्यमंत्री उद्धव जी ठाकरे यांना करण्यात आली आहे,
संपूर्ण राज्यात शासकीय रुग्णालयात कोविड रुग्णांसाठी अद्यायावत यंत्रणा नसल्याने रुग्णांना खाजगी रुग्णालयाचा आधार घ्यावा लागत आहे परंतु खाजगी रुग्णालये भरमसाठ बिल आकारत असून रुग्ण व त्यांच्या नातेवाईकांना प्रचंड आर्थिक ताण पडत आहे,आधीच लॉकडाउन असल्याने आर्थिक स्थिती गंभीर झालेल्या जनतेचे अश्या बिलाने कंबरडे मोडले असून सर्वच रडकुंडीला आले आहेत त्यामुळे सरसकट मोफत उपचार करण्याची घोषणा करून महाराष्ट्रातील तमाम जनतेला दिलासा द्यावा अशी मागणी संघटनेच्या वतीने निवेदनात करण्यात आली आहे.
बातमी शेअर करण्यासाठी येथे क्लिक करा
