जळगाव उत्तर महाराष्ट्राच्या राजकारणातून मोठी बातमी समोर येत आहे. शिवसेना (UBT) नेते आणि जळगावचे माजी खासदार उन्मेष पाटील आता मुख्यमंत्री एकनाथ शिंदे यांच्या शिवसेनेत प्रवेश करणार असल्याचे निश्चित झाले असून गेल्या काही दिवसांपासून ते पक्षात नाराज असल्याच्या चर्चा होत्या, ज्यावर आता शिक्कामोर्तब झाले आहे.
जळगाव जिल्ह्यात शिवसेना ठाकरे गटाला धक्का बसेल २०२४ च्या लोकसभा निवडणुकीपूर्वी भाजप सोडून ठाकरे गटात गेलेले उन्मेष पाटील आता पुन्हा एकदा सत्ताधारी पक्षात परतत आहेत. त्यांच्या जाण्याने जळगाव जिल्ह्यात ठाकरे गटाची ताकद कमी होण्याची शक्यता आहे.
जळगावच्या राजकारणात बदल जळगाव जिल्हा हा भाजप आणि शिवसेनेचा बालेकिल्ला राहिला आहे. उन्मेष पाटील यांच्या प्रवेशामुळे शिंदे गटाला जिल्ह्यात मोठा विस्तार करण्यास मदत होईल. कार्यकर्त्यांची नाराजी की सत्तेची ओढ? सूत्रांच्या माहितीनुसार, पक्षात योग्य सन्मान मिळत नसल्यामुळे आणि विकासाच्या मुद्द्यावर त्यांनी हा निर्णय घेतला आहे. त्यांच्यासोबत जळगावमधील अनेक पदाधिकारी आणि कार्यकर्तेही शिंदे गटात सामील होणार आहेत असे सूत्रांचे अंदाज आहे.
- जळगाव जिल्ह्यात एकनाथ शिंदेंचे बळ वाढेल.
मुख्यमंत्री एकनाथ शिंदे यांनी गेल्या काही महिन्यांत विरोधी पक्षांतील अनेक बड्या नेत्यांना आपल्याकडे वळवून महायुतीची पकड अधिक घट्ट केली आहे. माजी खासदार उन्मेष पाटील लवकरच मुंबईत किंवा जळगावमध्ये एका मोठ्या सोहळ्यात मुख्यमंत्री शिंदेंच्या उपस्थितीत अधिकृत प्रवेश करतील. या पक्षंतरामुळे जळगावच्या स्थानिक राजकारणात नवीन समीकरणे पाहायला मिळतील. माजी खासदार उन्मेष पाटील यांच्या या निर्णयाबद्दल तुम्हाला काय वाटते? ठाकरे गटातून नेत्यांची ही गळती का थांबत नाहीये.?
