पाचोऱ्यातील भडगावरोड साई मंदिर चौकास “संत सेवालाल महाराज चौक” नामकरण करण्याची राष्ट्रवादीची मागणी..

पाचोरा(झूम) शहरातील भडगाव रोडवरील साई मंदिर परिसरास “संत सेवालाल महाराज चौक” नामकरण करण्यात यावे. अशा आषयाच्या मागणीचे निवेदन आज २९ डिसेंबर रोजी येथील राष्ट्रवादी काँग्रेसचे विजे. एन. टी. शहर अध्यक्ष राहुल राठोड यांच्या नेतृत्वाखालील नगरपालिकेच्या मुख्याधिकारी यांना देण्यात आले.

संत सेवालाल महाराजांनी अत्यंत प्रभावी व संवेदनशील अशी सत्यवचने, दोहे सांगून समाजाला सन्मार्गाची जाणीव करून दिली आहे. संत सेवालाल महाराज निरक्षर असूनही त्यांनी समाजाला बुद्धिप्रामाण्यवादाचे, इहवादाचे आणि विज्ञानाचे धडे दिलेले आहेत. त्यांची वचने, दोहे ही साध्या, सोप्या व सरळ अशा बंजारा बोलीतील आहेत.

संत सेवालाल महाराजांचे हे क्रांतिकारी अमृततुल्य विचार केवळ बंजारा बोलीपुरते मर्यादित न राहता इतर भाषेतूनही प्रकट व्हावेत. आपण सखोल वाचू आणि चिंतन करू तरी संपणार नाही, अश्या संत सेवालाल महाराज यांच्या नावाने भडगाव रोडवरील साई मंदिर परिसरास “संत सेवालाल महाराज चौक” नामकरण निवेदन देते प्रसंगी राष्ट्रवादी काँग्रेसचे विजे. एन. टी. शहर अध्यक्ष राहुल राठोड, सागर राठोड, पंकज जाधव, पवन पवार यांचे सह रा. काॅं. चे पदाधिकारी व कार्यकर्ते उपस्थित होते. सदरचे निवेदन नगरपालिकेचे प्रशासकीय अधिकारी प्रकाश भोसले यांनी स्विकारले.