पाचोरा नगरपालिका आरक्षण जाहीर, राजकीय समीकरणे बदलतील..!

दिलीप जय परदेशी | Today Pachora

पाचोरा | जानेवारी २०२६ पर्यंत स्थानिक स्वराज्य संस्थांच्या निवडणुका घेण्याच्या सर्वोच्च न्यायालयाच्या निर्देशानंतर महाराष्ट्र सरकारने तयारी तीव्र केली आहे. सोमवारी, राज्यातील २४७ नगरपालिका आणि १४७ नगरपरिषदांसाठी महापौरपदे, नगराध्यक्ष राखीव ठेवून येणाऱ्या स्थानिक स्वराज्य संस्थांच्या निवडणुकांसाठी लॉटरी जाहीर करण्यात आली असून राजकीय समीकरणे बदलतील असे दिसत आहे.

महाराष्ट्रातील आगामी स्थानिक स्वराज्य संस्थांच्या निवडणुकांसाठी सोमवारी राज्यातील २४७ नगरपालिका आणि १४७ नगर परिषदांसाठी महापौरपद राखीव ठेवण्यासाठी लॉटरी जाहीर करण्यात आली. ३३ नगर परिषदांपैकी १६ नगर परिषदांसाठी महापौरपद आणी नगरध्यक्ष अनुसूचित जाती (एससी) महिलांसाठी आणि काही प्रकरणांमध्ये अनुसूचित जमाती (एसटी) महिलांसाठी राखीव ठेवण्यात आली आहेत.

पाचोरा नगर पालिका महिलासाठी राखीव झाल्याच्या  निर्णयामुळे स्थानिक राजकारणात महिलांचे नेतृत्व वाढेल आणि सामाजिक समावेशनाला चालना मिळेल असे दिसत आहे. तसेच भडगाव नगर पालिका अनुसूचित जमातींसाठी राखीव असलेल्या या आरक्षणामुळे राजकीय समीकरणे बदलण्याची शक्यता असल्याने या प्रक्रियेने राजकीय पक्ष आणि स्थानिक लोकप्रतिनिधींचे लक्ष वेधले होते.

राज्यात पाचोरा सह ६८ नगरपरिषदा खुल्या प्रवर्गातील महिलांसाठी राखीव आरक्षण असल्यामुळे आरक्षणामुळे, स्थानिक पातळीवरील राजकीय पक्षांना त्यांच्या उमेदवार निवडीचा आणि प्रचाराच्या रणनीतींचा पुनर्विचार करावा लागेल. शिवसेनेत सुनीता किशोर पाटील, प्रियंका पाटील नावाचे चेहरे महिला उमेदवार म्हणून असू शकतात. असे सोशल मीडिया द्वारे या चेहऱ्यां कडून अपेक्षा आहेत, या मुळे महिलांना नेतृत्वाच्या संधी मिळतील असे राजकीय जानकार चर्चा करताना दिसत आहेत.