पाचोरा (प्रतिनिधी) उद्धव बाळासाहेब ठाकरे गटाच्या पदाधिकारी व कार्यकर्ते यांनी शहरात गतीरोधक बसवण्यात यावे याकरिता प्रांताधिकारी कार्यलय व पाचोरा नगरपरीषदेचे बांधकाम विभागात निवेदन देण्यात आले.
पाचोरा शहरातील छत्रपती शिवाजी महाराज चौक ते महाराणा प्रताप चौक दरम्यान असलेल्या मुख्य रस्त्यावर शहरातील प्रचंड मोठ्या प्रमाणावर दळणवळण तथा नागरिकांचे पायी येणे जाणे आहे. वाहनांची खूपच आहे. तरुण युवक भरधाव वेगाने वाहने चालवतात. म्हणुन अपघातांचे प्रमाण वाढलेले दिसून येत आहे. नागरिकांना मोठ्या प्रमाणावर दुखापत होते. अपघात झाल्याने अवयव देखील निकामी होतात. अपंगत्व येऊन आर्थिक नुकसान देखील मोठ्या प्रमाणावर होत आहे. नागरिकांची प्राण हानी वाचावी. सुखकर प्रवास व्हावा, अपघात टाळावेत याकरिता कॉलेज चौक महाराणा प्रताप चौक, निरामय हॉस्पिटल, साई मंदिर चौक, वीतराग प्रोव्हिजन, भुयारी मार्गा जवळ, सुपडू भादू शाळा, कन्या शाळा, जागृती शाळा व इतर शहरातील आदी ठिकाणी गतिरोधक निर्माण करून पाचोरा नगरीतील नागरिकाचे जीवन सुरक्षित व प्रवास सुखकर होईल. अपघाताचे धोके कमी होतील. याकरिता गांभीर्याने लक्ष घालावे. अन्यथा पाचोरा शहर शिवसेना- युवासेना, महिला आघाडी (उ.बा.ठा.) च्या वतीने तीव्र आंदोलन छेडण्यात येईल असा इशारा निवेदनाद्वारे देण्यात आला.
निवेदन देते वेळी शहर प्रमुख अनिल सावंत,शहर प्रमुख दिपक पाटील, संजय चौधरी, शरद पाटील, युवा सेना तालुका प्रमुख भुपेश सोमवंशी, राजेंद्र राणा, भरत खंडेलवाल,शहर माजी उपप्रमुख कैलास मिस्तरी, उपस्थित होते
