जळगाव – सोशल मीडियावर एक व्हिडिओ व्हायरल झाला असून, त्यामध्ये तरुण-तरुणीला काहीजण मारहाण करीत असल्याचे दिसत आहे. पोलिसांनी मारहाण झालेल्या युवकाचा शोध घेऊन त्याच्या जबाब घेतला आहे. मारहाण करणाऱ्या तरुणांचा पोलीस शोध घेत आहेत. ही घटना चाळीसगाव तालुक्यातील कन्नड घाटात घडल्याची प्राथमिक माहिती समोर येत आहे.
गेल्या दोन दिवसांपासून सोशल मीडियावर एक व्हिडिओ व्हायरल होत आहे. यामध्ये तरुणांच्या टाेळक्याने एका तरुण-तरुणीला हटकले. तुम्ही दोघं सोबत का फिरतात? अशी विचारणा करून दाेघांना जबर मारहाण केल्याचा या व्हिडिओमध्ये दिसत आहे. तरुण- तरुणी सोबत फिरत असताना अचानक येऊन टाेळक्याने त्यांना जंगलात घेऊन जात लाकडी दांडक्याने मारहाण केली.
बातमी शेअर करण्यासाठी येथे क्लिक करा
