भडाळी येथे नवीन अंगणवाडी बांधकामाचे भूमिपूजन
नगरदेवळा वार्ताहर:-येथून जवळच असलेल्या भडाळी येथे जिल्हा परिषद च्या माध्यमातून सदस्य श्री.रावसाहेब पाटील यांनी अंगणवाडी शाळेसाठी 8 लक्ष 50 हजार रुपयांचा निधी मंजूर केला असून आज त्याचे भूमिपूजन शिवसेना जिल्हापरिषद गटनेते रावसाहेब पाटील यांच्या हस्ते करण्यात आले.
भडाळी येथे नवीन अंगणवाडी बांधण्यात यावी यासाठी ग्रामस्थांनी रावसाहेब पाटील यांच्याकडे मागणी लावून धरली होती. त्यामुळे आमदार किशोर पाटील यांच्या मार्गदर्शनाखाली जिल्हापरिषद सदस्य रावसाहेब (जिभु)पाटील यांनी त्यासंबंधी पाठपुरावा करून अंगणवाडी साठी 8 लक्ष 50 हजार रुपयांचा निधी मंजूर करून आणला असून नवीन अंगणवाडी बांधकामाचे भूमिपूजन आज रोजी त्यांच्या हस्ते पार पडले. त्यावेळी शिवसेना उपतालुका प्रमुख धर्मराज पाटील,वडगाव नर्मदेश्वराचे येथील सरपंच उपसरपंच,ग्रा.प.सदस्य,ग्रामसेवक, मुख्याध्यापक,शिक्षकवर्ग, भडाळी ग्रामस्थ व शिवसेना कार्यकर्ते मोठ्या संख्येने उपस्थित होते.
