पाचोरा तालुक्यातील जारगाव ग्रामपंचायतीच्या ग्रामसभेत (Gram Sabha) धूर फवारणी यंत्राच्या मुद्द्यावरून वाद झाल्याची घटना समोर आली आहे. ग्रामसभेत एका तरुणाने धूर फवारणी यंत्राच्या वापराबाबत प्रश्न उपस्थित केल्यानंतर वातावरण तापल्याचे सांगण्यात येत आहे. याच मुद्द्यावरून माजी सरपंच आणि संबंधित तरुणामध्ये शाब्दिक बाचाबाची झाली. त्यानंतर माजी सरपंचाने तरुणाला मारहाण केल्याचा आरोप करण्यात आला आहे. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.
