पंजाबचे नवे मुख्यमंत्री म्हणून चरणजीत सिंह चन्नी

कॅप्टन अमरिंदर सिंह यांनी पंजाबच्या मुख्यमंत्री पदाचा राजीनामा दिल्यानंतर आज अखेर पंजाबच्या मुख्यमंत्री पदाची घोषणा करण्यात आली आहे. पंजाबचे नवे मुख्यमंत्री म्हणून चरणजीत सिंह चन्नी यांचं नाव घोषित करण्यात आलं आहे.

Punjab gets its first Dalit Chief Minister Charanjit Singh Channi ji.
I sincerely convey my gratitude towards our leadership.
Once again our leadership proved that only the Congress party cares & protect the Constitution and the downtrodden class of India.#CharanjitSinghChanni pic.twitter.com/5uSDfSVf3y

— Dr. Nitin Raut 🇮🇳 (@NitinRaut_INC) September 19, 2021

58 वर्षाचे चरणसिंह चन्नी पंजाबचे पहिले दलित मुख्यमंत्री होणार आहेत. सध्या ते पंजाब सरकारमध्ये राज्याचे तंत्रशिक्षण मंत्री म्हणून काम पाहत आहेत. चरणसिंह चन्नी चमकौर साहिब मतदारसंघातून तीन वेळा आमदार राहिले आहेत.

या संदर्भात नितीन राऊत यांनी ट्वीट करून माहिती दिली आहे.

चरणजीत सिंह चन्नी यांची पंजाबच्या काँग्रेस विधिमंडळ पक्षाचे नेते म्हणून सर्वानुमते निवड झाल्याची घोषणा करताना मला खूप आनंद होतो, असे पंजाब काँग्रेस प्रभारी हरीश रावत यांनी ट्विट केले.

सुखजिंदर सिंह रंधावा पंजाबचे पुढील मुख्यमंत्री असण्याची शक्यता व्यक्त केली जात होती. माध्यमांनी दिलेल्या वृत्तानुसार पंजाब प्रदेश काँग्रेस कमिटीने पुढील मुख्यमंत्री म्हणून सुखजिंदर सिंह रंधावा यांचे नाव पुढे केले होते. मात्र, कॅप्टन अमरिंदर सिंह आणि नवज्योत सिंह सिद्धू यांच्या भांडणामध्ये काँग्रेस हायकमांड ने पंजाबचे नवे मुख्यमंत्री म्हणून चरणजीत सिंह चन्नी यांचं नाव घोषित केलं आहे.