पाचोरा | शहरात आज दुपारी एक धक्कादायक घटना घडली असून, पाचोरा बस स्थानक परिसरात भरदिवसा गोळीबार झाला. या गोळीबारात एका युवकाचा गंभीर जखमी झाला आहे. या घटनेमुळे परिसरात भीतीचे आणि तणावाचे वातावरण निर्माण झाले आहे.
पाचोरा शहरातील एस टी बस डेपो परिसरात आकाश मोरे नामक याच्यावर अज्ञात इसमाने गोळ्या झाडल्याचे प्रत्यक्षदर्शींनी सांगितले असून, तो घटनास्थळीच कोसळला स्थानिक नागरिकांनी उपचारासाठी त्या युवकला रुग्णालयात नेले असून प्रकृतिक चिंता जनक आहे, गोळीबार झाल्यानंतर परिसरात एकच खळबळ उडाली. स्थानिक नागरिकांनी पोलिसांना तात्काळ माहिती दिली असून, काही क्षणांतच पोलीस घटनास्थळी दाखल झाले.
एस टी बस डेपो परिसर सील केला असून, सीसीटीव्ही फुटेज तपासले जात आहेत. हत्या नेमकी कोणत्या कारणाने झाली, हे अद्याप स्पष्ट झालेले नाही. प्राथमिक तपास सुरू असून, आकाश मोरे याचा पूर्वीचा कुठला वाद होता का? याचाही तपास पोलिसांकडून केला जात आहे.
पोलिसांचे आवाहन – नागरिकांनी शांतता राखावी, कुठल्याही अफवांवर विश्वास ठेवू नये. तपास जलदगतीने सुरू आहे.
