‘मुले पळवनारी टोळी’ आली अश्या अफवावर विश्वास ठेवू नये! पाचोरा पोलीसांचे आवाहन..

पाचोरा (झूम मराठी)पाचोरा शहरातील व परीसरातील नागरिकांना पाचोरा पोलीस प्रशासनाच्या वतीने सुचीत करण्यात येते की, मागील काही दिवसांपासून व्हॉट्सॲप, फेसबुक,सोशल मीडिया च्या माध्यमातून लहान मुलांचे अपहरण करणारी टोळी आल्या बाबत मॅसेज टाकत अफवा पसरवण्यात येत आहेत.अश्या अफवांमुळे इतर जिल्हात जमावाकडून बहुरूपी, वाटसरू, भिकारी व निष्पाप लोकांना जबर मारहाणीचे प्रकार घडलेले आहे. त्या तुन मारहाण करणाऱ्या जमावावर गंभीर गुन्हे हि दाखल झाले आहेत.

सध्या पाचोरा शहरात व परीसरात अश्या प्रकारे अफवा पसरविल्या जात असुन लोकांच्या मनात भिंती पसरली असल्याचे निदर्शनास आले आहे. पोलीस प्रशासनाच्या वतीने पाचोरा शहर व परीसरातील जनतेस आवाहन करण्यात येते की अफवावर विश्वास ठेवू नका,अशी काही माहिती मिळाल्यास तात्काळ पोलीस ठाण्यात संपर्क साधावा.

वरील प्रमाणे जर कोणी अफवा पसरवीत असेल तर त्याचे नाव पोलीसांना कळवावे,बातमीची खात्री केल्या शिवाय सोशल मीडियावर आलेला कोणताही मॅसेज फॉरवर्ड करू नये. सोशल मीडियावर आलेला मॅसेज वर डोळे झाकुन विश्वास ठेवू नका. अफवा पसरवणाऱ्यावर तुमच्या प्रत्येक पोस्ट मॅसेज वर पोलीसांचे लक्ष लागुन आहे.अफवा पसरवण्याऱ्यांवर कठोर कायदेशीर कारवाई करण्यात येईल. अफवांना बळी पडून आपल्या हातुन गंभीर गुन्हा घडू शकतो त्यामुळे लोकांनी स्वतः कायदा हातात घेऊ नये कायदा व सुव्यवस्था राखण्यासाठी सहकार्य करावे या आशियाचे आवाहन पाचोरा पोलीस स्टेशन चे पोलीस निरीक्षक किसनराव नजनपाटील यांनी प्रसिद्धी पत्रकाद्वारे कळविले आहे.