पाचोऱ्यात कुजलेला मृतदेह आढळला; धक्कादायक घटनेने शहरात खळबळ…
आज गणपती विसर्जनाची लगबघ असतानां आज पाचोऱ्यात धक्कादायक आणि अत्यंत खळबळजनक घटना समोर आली समर्थ पेट्रोलपंपा जवळील रोडलगतच्या गावतात कुजलेला मृतदेह आढळून आल्याची घटना घडली असून या मृतदेहाची ओळख पटलेली नाही. पोलिसांनी हा मृतदेह ताब्यात घेऊन शवविच्छेदनासाठी पाठवलेला आहे.
पाचोरा शहरातील समर्थ पेट्रोलपंपा जवळील रोडलगतच्या परिसरात असलेल्या जंगलातून दुर्गंधी येऊ लागली होती. येथून ये-जा करणाऱ्या स्थानिकांच्या ही बाब लक्षात आली. दुर्गंधीमुळे येथून ये-जा करणेही मुश्किल झाले होते. तेव्हा काही स्थानिकांनी शोध घेतला असता कुजलेल्या अवस्थेतील मृतदेह आढळून आला आहे. याबाबत स्थानिकांनी पाचोरा पोलिसांना माहिती दिली. त्यानंतर पोलिसांनी घटनास्थळी येऊन पाहणी केली. त्यांनी हा मृतदेह ताब्यात घेतला आहे. पाचोरा पोलिस ठाण्यात याबाबत अनैसर्गिक मृत्यू म्हणून गुन्हा दाखल झाला आहे. मृतदेह उत्तरीय तपासणीसाठी रूग्णालयात पाठविण्यात आला आहे.
