विधानसभा निवडणूक महाविकास आघाडीच्या उमदेवार वैशाली सूर्यवंशी यांच्या प्रचारार्थ पाचोरा येथे शिवसेना उपनेत्या आणि प्रवक्त्या मा.सुषमाताई अंधारे यांची जाहीर सभा पार पडली.
या सभेत त्यांनी ठामपणे आपली भूमिका मांडत, विविध ज्वलंत मुद्द्यांवर बोलताना विरोधकांवर तीव्र टीका केली.सुषमाताई अंधारे यांनी लोकशाहीची मूल्ये, कायदा व सुव्यवस्था, महिला सुरक्षा, रोजगाराच्या संधी तसेच मतदारसंघात वाढती गुंडागर्दी यावर सडेतोड विचार मांडले. महाराष्ट्राच्या सुरक्षिततेसाठी आणि उज्ज्वल भवितव्यासाठी या समस्यांवर कठोर पावले उचलण्याची गरज अधोरेखित करत, शिवसेना (उध्दव बाळासाहेब ठाकरे) पक्षाच्या प्रत्येक शिलेदाराला निवडून देणे किती महत्त्वाचे आहे, हे त्यांनी ठामपणे सांगितले.
