पाचोरा (झूम मराठी) राज्य मार्ग परिवहन महामंडळाच्या पाचोरा बसस्थानकाच्या आवाराचे काँक्रीटीकरण करणे व आरसीसी गटार बांधणे या 300 लक्ष रुपयांच्या अंदाजपत्रकास मान्यता दिली असून आज आमदार किशोरआप्पा पाटील यांच्या हस्ते भूमिपूजन करण्यात आले.
स्थानिक आमदार किशोरआप्पा पाटील यांनी पाचोरा व भडगाव बस स्थानकासाठी सुनियोजित निधी करून आणला व महाराष्ट्र राज्य परिवहन महामंडळ यांनी मान्यता दिल्यानुसार महामंडळाच्या जागेच्या विकासासाठी आराखडे व कामाचे स्वरूप सादर करण्यात आले होते संकल्पीय आराखड्यास मान्यता देण्यात आली असून लवकरच पाचोरा व भडगाव बसस्थानक कात टाकणार, पाचोरा भडगाव मतदार संघांचे आमदार किशोरआप्पा पाटील यांनी पाचोरा व भडगाव बस स्थानक चेहरा मोहरा बदलणार असा नागरिकांना सांगितले होते आणि पाचोरा बस स्थानक आवाराचे काँक्रीटीकरण करणे व आरसीसी गटार बांधणे यासाठी 300 लक्ष रुपयांच्या कार्याचे तसेच भडगांव बस स्थानक आवाराचे काँक्रीटीकरण करणे व आरसीसी गटार बांधणे या 125 लक्ष रुपयांच्या कार्याचे भूमिपूजन आज दिनांक १३/१०/२०२४ रोजी, संपन्न झाले या कार्यामुळे दोन्ही शहरांच्या बस स्थानकाचे रूप बदलणार आहे. तसेच या माध्यमातून स्वच्छता राखण्यास मदत होणार आहे.
