राष्ट्रवादी शरद पवार गटाला मोठा धक्का!, डॉ सागर गरुड यांनी केला भाजप पक्ष प्रवेश…

राष्ट्रवादी शरद पवार गटाला मोठा धक्का देत जामनेर तालुक्यातील शेंदुर्णी येथील प्रतिष्ठित डॉक्टर सागर गरुड यांनी आज उपमुख्यमंत्री देवेंद्र फडणवीस यांच्या हस्ते भाजपात पक्ष प्रवेश केला. मुंबईत पार पडलेल्या या महत्त्वपूर्ण सोहळ्याला ग्रामविकास मंत्री गिरीश महाजन यांच्यासह जामनेर येथिल अतिष झाल्टे आणि बाबुराव हिवराळे, अमित देशमुख व पाचोऱ्याचे अमोल शिंदे व जळगावचे भाजपाचे प्रमुख पदाधिकारी उपस्थित होते.

डॉ सागर गरुड हे राष्ट्रवादी शरद पवार गटातील एक महत्त्वाचे नेते होते. त्यांच्या भाजपात प्रवेशामुळे स्थानिक तसेच राज्य पातळीवरील राजकीय समीकरणं बदलण्याची शक्यता आहे. गरुड यांचा सामाजिक कार्य आणि वैद्यकीय क्षेत्रातील मोठा जनाधार आहे, ज्यामुळे भाजपाला आगामी निवडणुकीत फायद्याचे ठरू शकते.

उपमुख्यमंत्री देवेंद्र फडणवीस यांनी डॉ. सागर गरुड यांचे पक्षात स्वागत करत त्यांच्या सामाजिक योगदानाचे कौतुक केले. त्यांनी सांगितले की, गरुड यांच्या सामील होण्यामुळे भाजपाच्या विकास कार्यात नवी उर्जा मिळेल.  मंत्री गिरीश महाजन यांनीही गरुड यांच्या प्रवेशाचे स्वागत करत जामनेर व उत्तर महाराष्ट्रातील भाजपाचे स्थान अधिक बळकट होणार असल्याचा विश्वास व्यक्त केला.

या महत्त्वपूर्ण सोहळ्याला जामनेर येथील अतिष झाल्टे आणि बाबुराव हिवराळे यांसारखे भाजपाचे वरिष्ठ पदाधिकारीही उपस्थित होते. त्यांच्या उपस्थितीमुळे या पक्ष प्रवेशाला विशेष महत्त्व प्राप्त झाले आहे.डॉक्टर सागर गरुड यांच्या भाजपात प्रवेशाने जामनेर व उत्तर महाराष्ट्रातील राजकीय समीकरणांत बदल घडण्याची शक्यता असून, राष्ट्रवादी शरद पवार गटाला यामुळे मोठा धक्का बसला आहे.