धुळे जिल्हा परिषदेच्या शाळेत लहानग्यांच्या जीवाशी सुरु असलेला खेळ बघून येणार चीड!

धुळे जिल्ह्यातील साक्री तालुक्याच्या भोनगाव इथल्या जिल्हा परिषद शाळेमध्ये विद्यार्थ्यांना दिलेल्या चॉकलेट्समध्ये अळ्या दिसून आलेल्या आहेत. या घटनेमुळे पालकांमधून संताप व्यक्त होतोय.

धुळ्यामध्ये जिल्हा परिषदेच्या शाळेत विद्यार्थ्यांना दिल्या जाणाऱ्या चॉकलेटमध्ये जिवंत अळ्या आढळून आलेल्या आहेत. लहानग्यांच्या जीवाशी सुरु असलेला खेळ बघून चीड निर्माण होत आहे. धुळ्यातल्या साक्री तालुक्यातील भोनगाव इथल्या जिल्हा परिषदेच्या शाळेत हा प्रकार घडला.

विशेष म्हणजे चॉकलेटवर दाखविण्यात आलेली एक्सपायरी डेट अद्याप संपलेली नाही, तरीही चॉकलेटमध्ये आळ्या आढळून आलेल्या आहेत. या प्रकारामुळे शासनाविरोधात रोष व्यक्त होत आहे.