Pachora | पाचोऱ्यातील शिंधी समाजाने दुकाने न उघडण्याचा घेतला निर्णय..

येत्या सोमवारी 22 जानेवारीला अयोध्या राम मंदिरात रामललाची प्राणप्रतिष्ठा पार पडणार आहे. या भव्य सोहळ्याकडे सर्वांचं लक्ष लागलं आहे. देशाचं लक्ष या सोहळ्याकडे लागलं आहे. रामललाच्या (Ram Lala) प्राणप्रतिष्ठा कार्यक्रमाचा उत्सव फक्त अयोध्येतच नाही तर संपूर्ण देशभरात पाहायला मिळणार आहे या अनुषंगाने पाचोऱ्यातील सर्व शिंधी  बांधवानी या दिवशी आपली दुकाने बंद राहणार असे घोषित केले. तमाम शिंधी समाजाने घेतलेला निर्णय म्हणजेच त्याचे काटेकोर पालन होतेच. गरीब असो की श्रीमत ते याचे पालन करतातच, समाज माध्यमातून या निर्णयाचे स्वागत करण्यात आले आहे.

• महाराष्ट्र सरकारकडूनही सुट्टी

महाराष्ट्र सरकारनेही 22 जानेवारीला सार्वजनिक सुट्टी जाहीर केली आहे. राज्य सरकारकडून यासाठी अधिसूचना जारी करण्यात आली असून 22 जानेवारीला शाळा, महाविद्यालये आणि शासकीय कार्यालये तसेच निम-शासकीय कार्यालये बंद राहणार आहेत. दरम्यान, केंद्रीय कर्मचाऱ्यांना हाफ डे देण्यात आला आहे.