पाचोरा तालुक्यातील दुसखेडा येथे रेल्वे अपघातात, रेल्वे रूळ ओलांडताना एकाच गावातील दोन जणांचा मृत्यू..

पाचोरा तालुक्यातील दुसखेडा येथे रेल्वे गेटातील रूळ ओलांडून प्रवास करणाऱ्यानां कामयानी गाडीने जोरदार धडक दिल्याने अपघात घडला आहे. यात एकाच गावातील रत्नाबाई माधव पाटील (55, दुसखेडा), अशोक झेंडू पाटील (65, दुसखेडा) दोन जणांचा मृत्यू झाला आहे. रविवारी पाच वाजेच्या सुमारास ही घटना घडली आहॆ.

रेल्वे रूळ ओलांडताना दुर्घटना..

परधाडे येथे हरीनाम सप्ताह असल्याने दुसखेडा गावाजवळील रेल्वे क्रॉसिंग ओलांडून सप्ताहासाठी काही महिला व पुरूष जात असताना त्याचवेळी अचानक रेल्वे आली व रेल्वेची धडक बसल्याने अशोक पाटील व रत्नाबाई पाटील यांचा मृत्यू झाला. घटनास्थळी पाचोरा पोलिसांनी धाव घेत मृतदेह शवविच्छेदनासाठी हलवले असून या घटनेने पाचोरा तालुक्यात खळबळ उडाली आहे.