धक्कादायक – मनमाड रेल्वे जंक्शन स्टेशनवर एकाची ओव्हरहेड वायरवर उडी घेतल्याने गंभीर जखमी..
नांदगाव – प्रतिनिधी (मुक्ताराम बागुल) :- नांदगाव तालुक्यातील वीस ते पंचवीस किलोमीटर अंतरावरील असलेल्या मनमाड रेल्वे जंक्शन रेल्वे स्थानकावर एका तरुणांनी प्लॅटफॉर्मवर चढून धावत्या गाडीवर उडी घेतली. यात तो तरुण वरखेड वायरला चिटकला. यावेळी मोठा स्फोट होऊन तो फेकला गेला असून त्यात तो गंभीर जखमी झाल्याने त्याला तात्काळ उपजिल्हा रुग्णालयात उपचारासाठी दाखल करण्यात आले. त्याच्यावर प्रथमोपचार करून त्याला पुढील उपचारासाठी नाशिक येथील चिल्लर रुग्णालयात हलविण्यात आले.
याबाबत सविस्तर वृत्त असे की, नांदगाव तालुक्यातील मनमाड रेल्वे जंक्शन रेल्वे स्थानकावर एक तरुण झाडावर चढून प्लॅटफॉर्मवर असलेल्या पत्र्याच्या शेडवर चढला. जवळपास दीड ते दोन तास हा वर उभा राहून बडबड करत होता. कोणी त्याच्याकडे जाण्याचा प्रयत्न केला की तो उडी मारण्याची धमकी देत होता. शेवटी त्याने बंगलोर येथून येणाऱ्या नवी दिल्लीकडे जाणाऱ्या कर्नाटक एक्सप्रेस वर उडी मारली. यामध्ये तो ओव्हर हेड वायरला लटकला. यामध्ये त्याला मोठा शॉक लागला.व स्फोट होऊन खाली फेकला गेला. यामध्ये तो गंभीर जखमी झाला.
त्याच्यावर मनमाड येथील उपजिल्हा रुग्णालय मध्ये प्राथमिक उपचार करून त्याला अधिक उपचार करण्यासाठी नाशिक येथील सिव्हिल हॉस्पिटल मध्ये हलविण्यात आले. याबाबत रेल्वेच्या अधिकाऱ्यांनी दिलेल्या माहिती वरून तो मानसिक रुग्ण असल्याचे सांगितले. पुढील तपास आर पी एफ करत आहेत.
मनमाड शहरात मानसिक रुग्णांची जत्रा…
नांदगाव तालुक्यातील मनमाड हे शहर रेल्वेच्या दृष्टीने मोठे जंक्शन रेल्वे स्थानक असून. उत्तर भारताचे प्रवेशद्वार म्हणून हे मनमाड येथील रेल्वे स्थानक ओळखले जाते. या ठिकाणी दिवसभर शकलो रेल्वेच्या माध्यमातून हजारो प्रवासी ये-जा करत असतात. यामध्ये अनेक मनोरुग्ण देखील येतात. व इथे उतरले की ते येथीलच होऊन जातात. यामुळे अशा मनोरुग्णांची मोठी संख्या रेल्वेच्या परिसरात आहे. यामुळे येथे मनोरुणाची जत्राच बघायला मिळते.
