झूम मराठी वृत्तसेवा
पाचोरा शहरातील भडगाव रोडवरील छत्रपती राजे संभाजी स्मारका समोरील झाड गेल्या अनेक दिवसांपासून वाळलेले आहे, धोकेदायक वाळलेले मोठे झाड कोसळण्याच्या स्थितीत असून वादळाने ते केव्हाही कोसळू शकते. त्यामुळे एखादेवेळी अप्रिय घटना होण्याची शक्यता नाकारता येत नाही.
झाडा जवळच महावितरणचा मेन लाइन खांब आहे. वादळवाऱ्यात हे झाड या तारेवर कोसळण्याची दाट शक्यता आहे. तसे घडल्यास परिसरातील रोहित्र बंद पडण्याची भीती आहे. यामुळे या भागातील वीजपुरवठा खंडित होऊ शकतो
तरी संबंधित पालिका अधिकारी झाड पडून दुर्घटना होण्याची वाट बघत आहे काय?, असा खडा सवाल येणारे जाणारे नागरिक करीत आहेत. सदर वाळलेले झाड त्वरित काढा व त्या जागी दुसरे झाड लावावे अशी मागणी सदर बातमी द्वारे “झूम मराठी” करीत आहे आहे.
