पाचोऱ्यात मंगळागौर स्पर्धेत नारीत्वाचा गौरव; सादरीकरणाला जोरदार प्रतिसाद..
महिला सर्वच क्षेत्रात अग्रेसर असून आता पाचोरा मतदारसंघातून इतिहासात पहिल्यांदाच महिलेला आमदार म्हणून निवडून देण्याची संधी असून याचा सर्व महिलांनी योग्य वापर करावा !” असे आवाहन आज मंगळागौर कार्यक्रमाला उपस्थित असणाऱ्या महिलांना केले.
कार्यक्रमाच्या प्रारंभी मयूर कुमार आणि धनश्री यांनी सुमधुर गितांची प्रस्तुती केली. यानंतर विविध ग्रुप्सनी मंगळागौरची एकापेक्षा एक सरस गाणी सादर केली. यात परिमाता ग्रुप, स्वरांजली ग्रुप, आत्मनिर्भर नारीशक्ती ग्रुप, बाईपण भारी देवा ग्रुप, नवदुर्गा महिला मंडळ आदींसह अन्य मंडळांनी मंगळागौरीची विविध गाणी नृत्यांसह सादर केली. उपस्थित माता-भगिनींनी याला भरभरून दाद दिली. सर्व ग्रुपच्या सादरीकरणाची परिक्षण करून शेवटी विजेत्यांची यादी जाहीर करण्यात आली.
यात स्वरांजली ग्रुपने पहिला क्रमांक पटकावला, दुसरे स्थान आत्मनिर्भर नारीशक्ती ग्रुपला मिळाले. तर तिसऱ्या, चौथ्या व पाचव्या क्रमांकावर अनुक्रमे सहजयोग ग्रुप, स्त्री शक्ती ग्रुप व कलादर्पण या ग्रुप्सला पारितोषिके प्रदान करण्यात आली. उत्तेजनार्थ पारितोषीके नवदुर्गा ग्रुप, कलाविष्कार ग्रुप, बाईपण भारी देवा ग्रुप, चिरायू माता ग्रुप, संत नामदेव ग्रुप, स्वामीनी ग्रुप व देवदत्त ग्रुप यांना प्रदान करण्यात आली. सर्व ग्रुप्सचा सन्मान माझ्याहस्ते करण्यात आला. याप्रसंगी विजेत्यांचे जोरदार स्वागत करण्यात आले.
या कार्यक्रमात विविध क्षेत्रांमध्ये कर्तबगारी बजावणाऱ्या मतदारसंघातील १०० पेक्षा जास्त महिलांना सन्मानीत करण्यात आले. एकीकडे मंगळागौरीची गाणी सुरू असतांना अधून-मधून अतिशय बहारदार पध्दतीत प्रश्नमंजुषा कार्यक्रम घेण्यात आली.
