पाचोरा शासकीय काम करून देण्याच्या मोबदल्यात 15 हजारांची लाच मागून दहा हजारांची लाच स्वीकारताना पाचोरा प्रांताधिकारी कार्यालयातील सहाय्यक महसूल अधिकारी गणेश लोखंडे यांना जळगाव एसीबीने लाच स्वीकारताच कार्यालयाबाहेर अटक केली. ही कारवाई बुधवार, आज 10 सप्टेंबर रोजी दुपारी 4.15 वाजेच्या सुमारास करण्यात आली. जळगाव एसीबीचे डॅशिंग पोलिस उपअधीक्षक योगेश ठाकूर यांच्या नेतृत्वात पोलिस निरीक्षक हेमंत नागरे व सहकाऱ्यांनी हा सापळा यशस्वी केला.
