पाचोऱ्याचे आमदार किशोर आप्पा पाटील यांना मातृशोक, ९२ व्या वर्षी घेतला अखेरचा श्वास

पाचोरा भडगाव मतदार संघाचे आमदार किशोर आप्पा पाटील (MLA Kishor Patil) यांच्या मातोश्री ग. भा. नर्मदाबाई धनसिंग पाटील यांचे आज सोमवार दिनांक 24 फेब्रुवारी 2024 सोमवार रोजी सकाळी 4: 55 वाजता वृद्धपकाळाने निधन झाले.

आमदार किशोर आप्पा पाटील यांच्या मातोश्री नर्मदाबाई धनसिंग पाटील यांच्यावर मागील काही दिवसांपासून प्रकृती अवस्थेमुळे उपचार सुरू होते. दरम्यान, आज त्यांचे वृद्धापकाळाने दुःखद निधन झाले. नर्मदाबाई धनसिंग पाटील यांच्या पार्थिवावर आज पाचोऱ्यातील स्मशानभूमीत अंत्यसंस्कार करण्यात आले, त्यांचे अंतिम दर्शन घेण्यासाठी मोठा जनसागर लोटला होता.

यावेळी जिल्ह्यातील सर्वपक्षीय नेत्यांसह पत्रकार समाजसेवकांनी आमदार पाटील कुटुंबियांचे सांत्वन केले आहे. त्यातून आमदार किशोर आप्पा पाटील यांनी कमावलेली माणसांची श्रीमंती, स्व. नर्मदाबाई यांनी जपलेली नाती-गोती, त्यांची गावकी-भावकी व गोतावळा यांचा प्रत्यय आला. एव्हढा प्रचंड लोकसमुदाय जोडणे आणि टिकवणे निश्चितच सोपे नाही, हे ही दिसून आले.