आदरणीय मुख्यमंत्री महोदय, संत मुक्ताईच्या भूमीत महिला सुरक्षित राहतील ना ? – रोहिणी खडसे

जळगाव :- राष्ट्रवादी कॉंग्रेसचे नेते एकनाथ खडसे यांच्या कन्या राष्ट्रवादीच्या नेत्या आणि जिल्हा बँकेच्या माजी अध्यक्षा रोहिणी खडसे-खेवलकर यांच्या वाहनावर काल (२७ डिसेंबर) अज्ञातांनी हल्ला केल्याची घटना घडली आहे.अज्ञातांकडून दगडफेक करण्यात आल्यामुळे खळबळ उडाली आहे. या हल्याचा सर्वच स्तरातून निषेध करण्यात येत आहे. राष्ट्रवादी पक्षाने हल्याला जशास तसे उत्तर देणार असल्याचे म्हटले आहे. तर आता स्वतः रोहिणी खडसे यांनीच ट्वीट करत मुख्यमंत्री उद्धव ठाकरे यांना सवाल केला आहे.

आदरणीय मुख्यमंत्री महोदय,
संत मुक्ताईच्या भूमीत महिला सुरक्षित राहतील ना ?@CMOMaharashtra@OfficeofUT@AjitPawarSpeaks@ChakankarSpeaks@supriya_sule@AUThackeray

— Adv Rohini Eknathrao Khadse (@Rohini_khadse) December 28, 2021

‘मुख्यमंत्री महोदय, संत मुक्ताईच्या भूमीत महिला सुरक्षित राहतील ना? असा सवाल रोहिणी खडसे यांनी ट्वीट करत केला आहे. दरम्यान रोहिणी खडसे या सुखरूप असून हल्लेखोर फरार झाले आहेत. तसेच ते एकूण पाच जण असून त्यांच्याकडे लोखंडी रॉडसह शस्त्रे असल्याचीही माहिती मिळाली आहे. या घटनेमुळे जिल्ह्यात एकच खळबळ उडाली आहे. या घटनेवरून राष्ट्रवादीचे मेहबूब शेख, रुपाली पाटील ठोंबरे यांनी निषेध केला असून हल्लेखोरांवर कारवाई करण्याची मागणी केली आहे

रात्रीच्या अंधारात हा हल्ला कोणी केला, हे अद्याप स्पष्ट झालेले नाही. प्राणघातक हल्ला करून हल्लेखोराने पळ काढल्यामुळे त्याला पकडण्यात यश आलेले नाही. मात्र शिवसेना आमदार चंद्रकांत पाटील आणि रोहिणी खडसे यांच्यातील वाद ताजा असताना ही घटना घडली आहे. त्यामुळे अनेक तर्कवितर्क लावले जात आहेत. या घटनेनंतर एकच खळबळ उडाली असून हल्लेखोराला लवकरात लवकर अटक करण्यात यावे अशी मागणी केली जात आहे.