अखंड महाराष्ट्राचे आराध्य दैवत पंढरपूरचा विठुराया आषाढी एकादशी निमित्त आज शिवसेना नेत्या वैशालीताई सुर्यवंशी यांनी विविध कार्यक्रमांना भेट देऊन भक्तांना शुभेच्छा दिल्या. यात सर्व प्रथम सकाळी अंतुर्ली गावातील मंदिरात वैशालीताईंनी दर्शन घेऊन भाविकांना शुभेच्छा दिल्या, या नंतर मंदिर परिसरात निर्मल इंटरनॅशनल स्कूल येथील विद्यार्थी-विद्यार्थिनींनी आषाढी एकादशी निमित्त विठ्ठल भाव गितांवर नृत्य सादर करून कार्यक्रम पार पडला.
पाचोरा येथील विठ्ठल मंदिरात दर्शन घेऊन भक्तांसमवेत वैशालीताई भजनात रंगल्या. वैशालीताईंच्या सौजन्याने उपवासाचे फराळ वाटप करण्यात आले. या कार्यक्रमासाठी युवासैनिकांनी अथक परिश्रम घेतले.; यानंतर पाचोरा तालुक्यातील शिंदाड गावातील शिव-युवासैनिकांनी आषाढी एकादशीचे औचित्य साधत वैशालीताई आमदार व्हाव्यात यासाठी शिंदाड ते पिंपळगाव हरे. पायी दिंडीचे आयोजन करण्यात आले होते, या पायी दिंडीत भक्तांसोबत वैशालीताई सहभागी झाल्या. दिंडीचा प्रारंभ पिंपळगाव हरे. येथील विठ्ठल मंदिरात झाल्या नंतर भाविकांच्या उपस्थितीत आरतीचा मान वैशालीताई व नरेंद्रसिंग सुर्यवंशी यांना देण्यात आला. आरती नंतर गावातील तसेच उपस्थित सर्व भाविकांची भेट घेत सुर्यवंशी परिवाराने शुभेच्छा दिल्या. यावेळी सर्वांच्या सुख-समृद्धीसाठी प्रार्थना केली. या वेळी उध्दव मराठे व शिवसेना-युवासेना पदाधिकारी, कार्यकर्ते मोठ्या संख्येने उपस्थित होते.
