आपल खान्देश

पाचोरा जवळील खेडगाव अपघातात, आकरा महिन्यांचा चिमुकला बाळ ठार..

पाचोरा (झूम मराठी) जळगाव येथून प्रवाशी घेवून जात असलेल्या वाहनाला भरधाव वेगाने येणाऱ्या महिंद्रा पिकअप गाडीने जोरदार धडक दिल्याने ११ महिन्यांचा चिमुकला जागीच ठार झाला तर ९ प्रवाशी गंभीर जखमी झाल्याची घटना घडली आहे.

याबाबत अधिक माहिती अशी की, आज दुपारी 12 वाजेच्या सुमारास नेहमीप्रमाणे प्रवाशी वाहतूक करणारी खाजगी टाटा मेक्सिमा (क्रंमाक एमएच १५ इएक्स – १८३२) ही प्रवाशी घेऊन निघाली. दरम्यान शिरसोली येथे आल्यानंतर दापारो ( शिरसोली) येथील रहिवाशी भगवान सोनवणे यांनी पत्नी अनिता भगवान सोनवणे व त्यांचा ११ महिन्याचा चिमुकला गणेश यास भडगाव येथे माहेरी रक्षाबंधन सण साजरा करण्यासाठी मेक्सिमा गाडीत बसवुन भगवान सोनवणे हे माघारी फिरले. दरम्यान दुपारी २ वाजेच्या सुमारास खेडगाव (नंदीचे) जवळ पाचोऱ्याहुन भरधाव वेगाने जाणारी मालवाहू महिंद्रा पिकअप (क्रंमाक – एमएच १९ सीवाय ९२२३) ने मेक्सिमोला जोरधार धडक दिली. या धडकेत प्रवाशांनी भरलेली मेक्सिमो ही रस्त्याच्या खाली जावुन पलटी झाली. या अपघातात गणेश भगवान सोनवणे या ११ महिन्याच्या चिमुकल्याचा वाहनाखाली दबुन त्याचा जागीच दुर्दैवी मृत्यू झाला. तर भैय्या कोळी (चालक) रा. खेडगाव नंदीचे ता. पाचोरा, अनिता पवन चव्हाण (वय – ३८) रा. कोकडी तांडा ता. पाचोरा, सुशिलाबाई धनराज राठोड (वय – ३८) रा. रामदेववाडी ता. जळगांव, विकास सुरेश पवार (वय – २७) रा. रामदेव वाडी ता. जळगांव, आदित्य विकास पवार (वय – ७) रा. रामदेव वाडी ता. जळगांव, अनिता भगवान सोनवणे (वय २२) रा. दापोरा ( शिरसोली), लता गोकुळ राठोड (वय – ३७) रा. रामदेव वाडी ता. जळगांव, ऋषीकेश प्रदिप पंडित (वय १६) रा. लासगाव ता. पाचोरा व निकीता गोकुळ राठोड (वय – १४) रा. रामदेव वाडी ता. जळगांव हे ९ जण जखमी झाले. 

अपघाताची माहिती मिळताच पाचोरा पोलिस स्टेशनचे प्रशिक्षणार्थी सहाय्यक पोलिस निरीक्षक जितेंद्र वल्टे, समीर पाटील, संदिप भोई व योगेश पाटील हे तात्काळ हजर होवुन अपघातात जखमीना रुग्णालयात हलवुन वाहतुक सुरळीत केली. जखमींवर खाजगी रुग्णालयात उपचार सुरू असुन महिंद्रा पिकअप चालकास पाचोरा पोलिसांना ताब्यात घेतले आहे. तसेच पुढील तपास पोलिस करीत आहे.

 

बातमी शेअर करण्यासाठी येथे क्लिक करा

Dileep Jay Pardeshi

निपक्ष, वास्तविक, सत्य आणि विश्वसनीय लोक-माध्यम 'झूम मराठी' सामान्य जनतेचा आवाज डिजिटल मीडियाच्या माध्यमातून महाराष्ट्रातील वाचकांपर्यंत पोहचविण्याचा प्रयत्न आमच्या टीमच्यावतीने करण्यात येतो.

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे