झूम मराठी न्यूज नेटवर्क
भडगाव (झूम मराठी) जळगाव जिल्हातील पाचोरा तालुक्यात कळमसरा या गाबातील सामूहिक बलात्कारराची घटना ताजी असताना भडगाव तालुक्यात २७ वर्षीय महिलेवर बलात्कार झाल्याची धक्कादायक घटना समोर आली आहे. या प्रकरणी भडगाव पोलीस स्थानकात गुन्हा दाखल करण्यात आला आहे. निरू भीमसिंग ऊर्फ जाड्या बारेला (वय २५) याच्याविरुद्ध गुन्हा दाखल करण्यात आला आहे.
धक्कादायक माहिती अशी कि , १२ मे २०२२ रोजी पीडित विवाहित महिला ही पाणी भरण्यासाठी विहिरीवर गेली असता निरू भीमसिंग ऊर्फ जड्या बारेला हादेखील विहिरीवर पाणी भरण्यासाठी आला होता. यावेळी त्याने पीडितेवर बलात्कार केला.
पीडिता आरोळ्या मारत असताना आरोपीने मारहाण करत ओरडू नको, नाहीतर तुझा गळा चिरीन असा दम भरला. याप्रकरणी भडगाव पोलीस ठाण्यात निरू भीमसिंग ऊर्फ जाड्या बारेला (हल्ली रा. भडगाव, मूळ गाव झामटा, धवली, ता. सेंधवा, जि. बडवाणी, म.प्र.) याच्याविरुद्ध गुन्हा दाखल करण्यात आला आहे. पुढील तपास पोलीस निरीक्षक अशोक उतेकर यांच्या अध्यक्षतेखाली स.पो.नि. चंद्रसेन पालकर करीत आहेत.
