झूम मराठी वृत्त
मुंबई मुख्यमंत्री एकनाथ शिंदे यांनी माध्यमांशी बोलताना लवकरच मंत्रिमंडळ विस्तार होईल असे सांगितले होते. शिंदे आणि फडणवीस हे दिल्लीहून परतल्यानंतर त्यांच्यात बैठक झाली. त्यानंतर मंत्रिमंडळ विस्तार उद्याच करण्याचे ठरविण्यात आले. राज्यात एकनाथ शिंदे यांच्या नेतृत्वातील सरकारचा मंत्रिमंडळ विस्तार महिनाभरापासून रखडला होता. मात्र उद्या मंत्रिमंडळ विस्तार होणार आहे. शिंदे गटाकडून गुलाबराव पाटील, उदय सामंत, संजय शिरसाट, दादा भुसे आणि संदीपान भुमरे तर भाजपकडून चंद्रकांत पाटील, गिरीश महाजन, विखे पाटील आणि सुधीर मुनगंटीवार यांचे नाव निश्चित आहे.
सरकार स्थापनेत महत्वाची भूमिका बजावणाऱ्या आमदारांनाही भाजपकडून संधी मिळण्याची शक्यता आहे. त्यात संजय कुटे, बंडी भांगडिया, रविंद्र चव्हाण आणि अपक्ष आमदार रवी राणा यांचे नाव आहे. मंत्रिमंडळाच्या पहिल्या टप्प्यात २० ते २५ आमदारांना मंत्रिपद देण्यात येणार असून दुसरा टप्पा लवकरच होईल, असे सांगितले जात आहे.
