बदलापूर : बदलापूरचे गणपती बाप्पा यंदा कोरोनाची चेन ब्रेक करत थेट अमेरिकेच्या वारीला निघाले आहेत. बदलापूरच्या चिंतामणी क्रिएशन्समधून २ हजार गणेशमूर्ती अमेरिकेला रवाना झाल्या आहेत.
बदलापूरचे गणपती बाप्पा यंदा कोरोनाची चेन ब्रेक करत थेट अमेरिकेच्या वारीला निघाले आहेत. बदलापूरच्या चिंतामणी क्रिएशन्समधून २ हजार गणेशमूर्ती अमेरिकेला रवाना झाल्या आहेत.
बदलापुरातील निमेश जनवाड हा तरुण गेल्या काही वर्षांपासून गणेशमूर्ती तयार करून परदेशात पाठवण्याचं काम करतो. त्याच्या गणेशमूर्तींना अमेरिकेसह आखाती देश, ऑस्ट्रेलिया या देशांमध्ये मोठी मागणी आहे. बदलापूरहून अमेरिकेच्या वारीला निघालेल्या २ हजार बाप्पांची पहिली कन्साईनमेंट नुकतीच रवाना झाली.
निमेश याचं गणेशमूर्ती निर्यातीचं हे सहावे वर्ष आहे. २०१९ साली निमेश याने साडेतीन हजार गणेशमूर्ती परदेशात पाठवल्या होत्या. तर मागील वर्षी निर्यात बंद असल्यानं त्याला तब्बल ४० लाख रुपयांचा फटका बसला होता.
बातमी शेअर करण्यासाठी येथे क्लिक करा
