स्पेलिंग बी स्पर्धेत बोर्ड जिल्हा परिषद केंद्र शाळेचे घव घवित यश; कुणाल योगेश व्यवहारे नांदगाव तालुक्यात दुसरा..
नांदगाव – प्रतिनिधी (मुक्ताराम बागुल) :- नांदगाव तालुक्यातील बोलठाण येथील जिल्हा परिषदेच्या केंद्र शाळेचे विद्यार्थी कुणाल योगेश व्यवहारे (इयत्ता दुसरी) जिल्हा परिषद केंद्र शाळा साकोरा येथे नुकत्याच झालेल्या तालुकास्तरीय प्रतिष्ठित स्पेलिंग बी स्पर्धा घेण्यात आली या स्पर्धेत दुसऱ्या क्रमांक पटकावून जिल्हास्तरीय स्पर्धेसाठी आपले स्थान पक्के केले.
नांदगाव तालुक्यातील साकोरा येथे जिल्हा परिषद केंद्र शाळेत तालुकास्तरीय प्रतिष्ठित स्पेलिंग बी स्पर्धा घेण्यात आल्या. या स्पर्धेत अत्यंत सर्वसामान्य व गरीब कुटुंबातील विद्यार्थ्यांने आपल्या बुद्धिमत्तेची चुनुक दाखवली. इंग्रजी स्पेलिंग पाठांतरावर आधारित प्राथमिक शिक्षण विभाग जिल्हा परिषद नाशिक यांनी आयोजित केलेली ही स्पर्धा विद्यार्थ्यांच्या मनात इंग्रजीची भीती दूर होऊन इंग्रजी शब्द पाठांतराला प्रोत्साहन देते. त्यासाठी स्पेलिंग बी स्पर्धेचे आयोजन करण्यात आले होते. या स्पर्धेची निगराणी व मूल्यमापन मुख्य कार्यकारी अधिकारी जिल्हा परिषद नाशिक यांच्या मार्गदर्शनाखाली त्रयस्त संस्थेकडे सोपविण्यात आलेले होते. इयत्ता पहिली व दुसरीच्या गटात कुणाल योगेश व्यवहारे संपूर्ण नांदगाव तालुक्यातील दुसरा क्रमांक पटकावून जिल्हास्तरीय स्पर्धेसाठी आपले स्थान पक्के केले. यशाबद्दल त्यांचे सर्वत्र कौतुक होत आहे. कुणाल योगेश व्यवहारे याला मार्गदर्शन करणारे त्यांचे वर्गशिक्षक श्री शरण खंडारे, शाळेचे मुख्याध्यापक श्री सुदाम सूर्यवंशी, व सर्व शिक्षक शालेय व्यवस्थापन समिती अध्यक्ष श्री प्रितेश नहार यांनी अभिनंदन केले.
