लोहाराच्या विद्यालयात कृष्णजन्माष्टमी उत्साहात, गोविंदा बनले विद्यार्थ्यांनीं फोडली दहीहंडी…

लोहारा-शहापुरा (प्रतिनिधी दिलीप राजपूत) लोहारा येथील डॉ. जे .जी .पंडित माध्यमिक विद्यालयात श्रीकृष्ण जन्मोत्सव मोठ्या उत्साहात साजरा करण्यात आला. यावेळी विद्यार्थ्यांनी दहीहंडी उत्सव साजरा करण्यासाठी मोठ्या प्रमाणावर गर्दी केली होती. विद्यार्थ्यांचे थरावर थर लावून प्रेम दशरथ पाटील या विद्यार्थ्याने ही दहीहंडी फोडली.

यावेळी विद्यालयाचे मुख्याध्यापक  एस टी चिंचोले, उपमुख्याध्यापिका यु .डी .शेळके यांच्या मार्गदर्शनाखाली हा कार्यक्रम आयोजित करण्यात आला होता. तसेच लहान मुलांसाठी सुद्धा विशेष दहीहंडी चे आयोजन करण्यात आले होते.  यावेळी सर्व शिक्षक व शिक्षकेतर कर्मचारी मोठ्या प्रमाणात उपस्थित होते. या दहीहंडीचा उत्सवाचा विद्यार्थ्यांनी मोठ्या प्रमाणात आनंद घेतला.