Nashik | नाशिक शेळी मेंढी निर्यात प्रकल्पाचा शुभारंभ विकास महात्मे यांच्या उपस्थितीत

झूम मराठी ऑनलाईन न्यूज मीडिया @दिलीप जय परदेशी

नाशिक येथील ओझर कार्गो विमान तळातुन जिवंत शेळी मेंढी निर्यात प्रकल्पाचा शुभारंभ माजी खासदार विकास महात्मे यांच्या उपस्थितीत मोठया उत्साहात संपन्न झाला असून पुढे पशुपालक बांधवांसाठी ही योजना अतिशय लाभदायी ठरेल. असे बोलले जात आहॆ.

शेळ्या-मेंढ्यांची थेट निर्यात करण्याच्या वादग्रस्त ठरलेल्या निर्णयाची अंमलबजावणी तूर्तास लांबणीवर पडली होती काल शेळी मेंढी निर्यात प्रकल्पाचा पहिला टप्पा नाशिक येथून युएई या आखाती देशात तब्बल एक हजार जिवंत शेळ्या-मेंढ्यांची थेट निर्यात माजी राज्यसभा सदस्य डॉ विकास महात्मे यांच्या उपस्थितीत शुभारंभ करण्यात आला. निर्यातीचा हा प्रयोग यशस्वी ठरल्यास पुढे येत्या काही महिन्यांत हजारो शेळ्या-मेंढ्यांची निर्यात करण्याचे लक्ष्यदेखील ठरविण्यात असून याने मेंढपाळ आणि शेळीपालन करणाऱ्यांचे उत्पन्न वाढणार असून, शेतकऱ्यांनाही जोडधंदा म्हणून शेळी-मेंढीपालनाकडे वळता येणार आहे अशी माहिती डॉ. विकास महात्मे यांनी दिली.

जिवंत शेळ्या-मेंढ्यांची निर्यात करणे हे अत्यंत जिकिरीचे काम आहे. शेळ्या-मेंढ्यांची निर्यात अधिक सुलभ होईल आणि या उद्योगाचा आर्थिक लाभही होण्याचा अंदाज व्यक्त करण्यात येत आहे. या नव्या प्रकल्पाद्वारे मेंढपाळ तसेच शेळी पालन करणाऱ्या शेतकऱ्यांना रोजगाराच्या तसेच आर्थिक उत्पन्नाच्या नवीन संधी उपलब्ध होतील. शेतकरी पूरक व्यवसाय म्हणून शेळी-मेंढी पालनाचा स्वीकार करतील. आर्थिक विवंचनेच्या काळात हेच पशुधन त्यांच्यासाठी ‘एटीएम’सारखे काम करेल असा, विश्वास व्यक्त करण्यात येत आहे. निर्यात होणाऱ्या शेळ्या-मेंढ्यांची वैद्यकीय तसेच संबंधित तपासणी केली जाणार आहे.

यावेळेस वेकटेश्वरा गृपचे चेअरमन धोंडे  धनगर समाज संघर्ष समितीचे राष्ट्रीय महासचिव बापुसाहेब शिंदे, प्रदेश सचिव ज्ञानेश्वर परदेशी, मेढपाळ नेते विठ्ठल भाऊ मारनर, माजी तहसीलदार आर पी.कुवर साहेब, युवा नेते निंबा जाधव धुळे जिल्हा युवक अध्यक्ष चेतन पाटील, ज्ञानेश्वर मासुळे, यांच्यासह मेंढपाळ बांधव मोठ्या संख्येने उपस्थित होते.